قالب پرشین بلاگ

گلمه سه اوستومـه يـاريـم مـن اؤلنـدن سـونـرا
تـوُتمـاز آرام مـزاريـم مـن اؤلنـدن ســونــرا

.
هانسي گولچهره ني مشهور جهان ائيله مـه ديـم
قوي دئسين شانلي دياريم من اؤلندن سونرا؟!

.
گؤردوم هر گؤزه لي شؤق ايله تصوير ائلـه ديـم
سن ده خاطيرلا، نيگاريم، من اؤلندن سـونـرا

.
وطنه، خالقا چاليشديم، ابدي خدمـت ائـدم
سولماسين باغ و باهاريم مـن اؤلنـدن سـونـرا

.
عاشيقم صنعته، شعره و گـؤزه ل مـوسيقـي يـه
ديللن، اي سؤ گيلي تاريم، من اؤلندن سـونـرا

.
واحدم، قالدي سؤزوم دهرده بيـر دورّ كيمـي
ياشايـار ائلـده شعـاريـم مـن اؤلنـدن سـونـرا